Hai daqué que traviesa los films d’Ado Arrieta: la presencia d’una mocedá incontenible, dispuesta a desaniciar tradiciones y nun da-y la espalda al deséu. En Flammes, cult movie inmediata, drama amorosu y plenu de misteriu, una neña que vive nun palacete con so padre y la so institutriz tien una velea recurrente: la presencia amenazante d’un bomberu nel so cuartu. Col pasu de los años esa presencia va pasar a convertise nuna necesidá y la moza nun va parar nel so enfotu hasta dar con esi bomberu pa poder zarralu nel so cuartu cada nueche. Pero ¿per cuántu tiempu pue caltenese na clandestinidá un romance asina?