Auksè y so pá Saulius lleguen a casa del so difuntu güelu, onde Auksè s’entera de que Saulius quier vender la propiedá. Saulius considera les coses que queden na casa como trastos qu’hai que tirar mentanto qu’Auksè les ve como alcordances que conformen la so visión distinta dafechu del pasáu. Guiada pola so nueva perspeutiva, Auksè tenta convencer al pá de que reconsidere la venta. Pero la fría relación ente dambos y el duelu lleven a una engarradiella na que nenguna de les dos partes tien la razón del too.