ABIERTO EL PLAZO DE RESERVAS PARA ESCOLARES
Nel so compromisu por da-y puxu a la sensibilidá artística y tresmitir l’amor pol cine, el Festival Internacional de Cine de Xixón pon especial enfotu nel públicu mozo y caltiénse fiel a los sos anicios como certame empobináu a la infancia y la mocedá. La sección Enfants Terribles, na que’l propiu alumnáu otorga’l Premiu a Meyor Llargumetraxe, ufiertará nesti 62 FICX catorce perbonos títulos pa esfrutar na gran pantalla y compartir nel aula. Munches de les películes seleccionaes cunten col reconocimientu de prestixosos festivales como Sundance, Berlín, Venecia o Annecy y tendrán el so estrenu español nel certame xixonés.
